« »
Sign-up for FREE Regular Newsletter.
 സ്വാഗതം: സി.ജി.സന്തോഷ്, സെക്രട്ടറി,സയന്‍സ്  ക്ലബ്ബ് അസോസിയേഷന്‍,ഹരിപ്പാട് സബ് ജില്ല അദ്ധ്യക്ഷപ്രസംഗം: കെ.ചന്ദ്രമതി ടീച്ചര്‍,എ.ഇ.ഒ,ഹരിപ്പാട് ഉദ്ഘാടനം ഡോ.ജി.നാഗേന്ദ്രപ്രഭു (അസോ.പ്രൊഫ.ജന്തുശാസ്ത്രഗവേഷണവിഭാഗം,എസ്.ഡി.കോളേജ്,ആലപ്പുഴ. മുഹമ്മദ് നിസാര്‍ ,സീസണ്‍വാച്ച് സ്റ്റേറ്റ് കോ-ഓര്‍ഡിനേറ്റര്‍ രഞ്ചനടീച്ചര്‍,ഹെഡ്മിസ്ട്രസ്, ഗവ.യു.പി നങ്യാര്‍കുളങ്ങവിവിധസ്കൂളുകളില്‍ നിന്നുള്ള അദ്ധ്യാപകര്‍ വൃക്ഷനിരീക്ഷണംസീസണ്‍വാച്ച് പരിശീലനം ഒരുമയോടെ പ്രവര്‍ത്തിക്കാം

Sunday, October 22, 2017

ഹരിപ്പാട് ഉപജില്ല ശാസ്ത്രോത്സവം മുതുകുളത്ത് സമാപിച്ചു.


മുതുകുളം; ഹരിപ്പാട് ഉപജില്ലാ ശാസ്ത്രോത്സവം മുതുകുളം വി.എച്ച്.എസ്.എസ്സില്‍ സമാപിച്ചു.
ഗണിതശാസ്ത്രമേളയില്‍ കെ.എ.എം യു.പി സ്കൂള്‍ മുതുകുളം (എല്‍.പി ) മണ്ണാറശ്ശാല യു.പി സ്കൂള്‍ (യു.പി), ഗവ.ഗേള്‍സ് ഹയര്‍സെക്കന്‍ററി സ്കൂള്‍ ( ഹൈസ്ക്കൂള്‍ ) ,മോഡല്‍ ബോയ്സ് ഹയര്‍സെക്കന്‍ററി സ്കൂള്‍,  ഹരിപ്പാട് ( ഹയര്‍സെക്കന്‍ററി) എന്നീ വിദ്യാലയങ്ങളും ശാസ്ത്രമേളയില്‍ എല്‍.പി, യു.പി വിഭാഗത്തില്‍ മണ്ണാറശ്ശാല യു.പി .സ്കൂളും  ഹൈസ്ക്കൂള്‍ വിഭാഗത്തില്‍ ബി.ബി.എച്ച്.എസ്. നങ്ങ്യാര്‍കുളങ്ങരയും ഹയര്‍
സെക്കന്‍ററി വിഭാഗത്തില്‍ ആയാപറമ്പ് ഗവ.ഹയര്‍സെക്കന്‍ററി സ്കൂളും ഓവറാള്‍ ചാമ്പ്യന്മാരായി.
സാമൂഹ്യശാസ്ത്രമേളയില്‍ മണ്ണാറശ്ശാല യു.പി സ്കൂള്‍ ( എല്‍.പി,യു.പി വിഭാഗം ) , ബി.ബി.എച്ച്.എസ്. നങ്ങ്യാര്‍കുളങ്ങര (എച്ച്.എസ്. വിഭാഗം ). വി.എച്ച്.എസ്.എസ് മുതുകുളം ( ഹയര്‍സെക്കന്‍ററി വിഭാഗം) എന്നീ വിദ്യാലയങ്ങളും  പ്രവൃത്തി പരിചയമേളയില്‍ മണ്ണാറശാല യു.പി സ്കൂള്‍ എല്‍.പി, യു.പി വിഭാഗത്തിലും കാര്‍ത്തികപ്പള്ളി സെന്‍റ്തോമസ് എച്ച്.എസ്.എസ് ഹൈസ്ക്കൂള്‍ വിഭാഗത്തിലും
വി.എച്ച്.എസ്.എസ് മുതുകുളം ഹയര്‍സെക്കന്‍ററി വിഭാഗത്തിലും ചാമ്പ്യന്മാരായി. 
ഐ.ടി ,മേളയില്‍ ആയാപറമ്പ് ഗവ.എച്ച്.എസ്.എസ് ചാമ്പ്യന്മാരായി
സമാപന സമ്മേളനം മുതുകുളം ഗ്രാമപഞ്ചായത്ത് മെമ്പര്‍ ഷേര്‍ളി മോഹന്‍ ഉദ്ഘാടനം ചെയ്തു.സ്കൂള്‍ ടീച്ചര്‍ ഇന്‍ ചാര്‍ജ്  പി.ആര്‍. അമ്പിളി അദ്ധ്യക്ഷത വഹിച്ചു. ഉപജില്ല വിദ്യാഭ്യാസ ആഫീസര്‍ കെ.വി.ഷാജി, സമ്മാനദാനം നിര്‍വ്വഹിച്ചു. മുതുകുളം വി.എച്ച്.എസ്.എസ് ഹയര്‍സെക്കന്‍ററി വിഭാഗം പ്രിന്‍സിപ്പല്‍ എ. അനിരുദ്ധന്‍. എസ്. നാഗദാസ്. സി.ജി.സന്തോഷ്, എ. അബ്ദുള്‍ റസാഖ് എന്നിവര്‍ സംസാരിച്ചു.

Sunday, October 12, 2014

ആവേശമായി ക്ലീന്‍ കാമ്പസ് ഗ്രീന്‍ കാമ്പസ്

ഹരിപ്പാട് - ഹരിപ്പാട് ഉപജില്ലാ സയന്‍സ് ക്ലബ്ബ് അസോസിയേഷന്‍ അദ്ധ്യാപകകൂട്ടായ്മയായ സയന്‍സ് ഇനിഷ്യേറ്റീവ് , മാതൃഭൂമി സീഡ് എന്നിവയുടെ സഹകരണത്തോടെ സബ് ജില്ലയിലെ പൊതു വിദ്യാലയങ്ങളില്‍ ആരംഭിച്ച സംയോജിത മാലിന്യ നിര്‍മ്മാര്‍ജന പരിപാടിയാ
യ ക്ലീന്‍ കാമ്പസ് ഗ്രീന്‍ കാമ്പസ് പരിപാടിയുടെ ഭാഗമായി ഹരിപ്പാട് ആരൂര്‍ എല്‍.. പിസ്കൂളില്‍ ജൈവ കൃഷിക്കായി നിലമൊരുക്കലും തൈനടല്‍ പരിപാടിയും സാമൂഹ്യസംഘടനയായ സമഭാവന സാംസ്ക്കാരിക വേദിയുടെ ആഭിമുഖ്യത്തില്‍ നടന്നു.സ്കൂള്‍ ഹെഡ്മിസ്ട്രസ് മയൂരവല്ലി, ക്ലീന്‍ കാമ്പസ് ഗ്രീന്‍ കാമ്പസ് സബ് ജില്ലാ കോ-ഓര്‍ഡിനേറ്റര്‍ സി.ജി .സന്തോഷ്, എസ്.എം.സി ചെയര്‍ പേഴ്സണ് നിഷ,സമഭാവനസാംസ്ക്കാരികവേദി ജനറല്‍ കണ്‍വീനര്‍ രാധാകൃഷ്ണന്‍ നായര്‍, പരിസ്ഥിതി പ്രവര്‍ത്തകയും ക്ലീന്‍ കാമ്പസ് ഗ്രീന്‍ കാമ്പസ് കാര്‍ഷിക ഉപദേശകയുമായ വാണി, പ്രൊഫ. ശ്രീമോന്‍ തുടങ്ങിയവര്‍ നേതൃത്വം നല്‍കി. സ്കൂളിലെ ജൈവകൃഷിപ്രവര്‍ത്തനങ്ങള്‍ക്ക് സമഭാവനയുടെപിന്തുണ നല്‍കും.സ്കൂളുകളിലെ ജൈവമാലിന്യങ്ങളെ ജൈവവളമാക്കി മാറ്റി ജൈവകൃഷി നടത്തുകയാണ് ഇതിലൂടെ ലക്ഷ്യമാക്കുന്നത്. വൃത്തിയുള്ള കാമ്പസ് വിഷമില്ലാത്ത ഭക്ഷണം എന്നതാണ് ക്ലീന്‍ കാമ്പസ് ഗ്രീന്‍ കാമ്പസ് പരിപാടിയുടെ മുദ്രാവാക്യം.

Sunday, September 28, 2014

വിജ്ഞാനം പകര്‍ന്ന് ബാലശാസ്ത്ര കോണ്‍ഗ്രസ് ക്ലാസ്

പള്ളിപ്പാട്- ഇരുപത്തിരണ്ടാമത് ദേശീയ ബാലശാസ്ത്രകോണ്‍ഗ്രസ്സിനോടനുബന്ധിച്ചു സംഘടിപ്പിക്കുന്ന ജില്ലാതല ബാലശാസ്ത്രകോണ്‍ഗ്രസ്സില്‍ പങ്കെടുക്കുന്ന കുട്ടികള്‍ക്കായി ജില്ലയില്‍ ആദ്യമായി ഹരിപ്പാട് സബ്ജില്ലാ സയന്‍സ് ക്ലബ്ബ് അസോസിയേഷന്‍റെ ആഭിമുഖ്യത്തില്‍ സംഘടിപ്പിച്ച ക്ലാസ്സില്‍ സബ് ജില്ലയിലെ വിവിധ സ്കൂളുകളില്‍ നിന്നായി നിരവധികുട്ടികള്‍ പങ്കെടുത്തു. പള്ളിപ്പാട് നടുവട്ടം വി.എച്ച്.എസ്.എസ്സില്‍ വെച്ചായിരുന്നു ക്ലാസ് സംഘടിപ്പിച്ചത് . NCSC-2014 ജില്ലാ കോ- ഓര്‍ഡിനേറ്റര്‍ ഡോ.എച്ച്.ശ്രീകുമാര്‍ ക്ലാസ്സെടുത്തു.പരിശീലനപരിപാടിയില്‍ ഉപജില്ലാ വിദ്യാഭ്യാസ ആഫീസര്‍ കെ.ചന്ദ്രമതി ടീച്ചര്‍ ,നടുവട്ടം വി.എച്ച്.എസ്.എസ് ഹെഡ്മിസ്ട്രസ് സി.എസ് ഗീതാകുമാരി, പ്രിന്‍സിപ്പല്‍ ഇന്‍ ചാര്‍ജ് ബി.രമേശ്കുമാര്‍, സബ് ജില്ലാ സയന്‍സ് ക്ലബ്ബ് അസോസിയേഷന്‍ സെക്രട്ടറി സി.ജി.സന്തോഷ് എന്നിവര്‍ സംസാരിച്ചു

Saturday, September 27, 2014

കാമ്പസുകള്‍ വൃത്തിയാക്കാന്‍ ഹരിപ്പാട് സബ് ജില്ലയിലെ സ്കൂളുകള്‍ തയ്യാറെടുക്കുന്നു

ഹരിപ്പാട് -ക്ലീന്‍ കാമ്പസ് ഗ്രീന്‍ കാമ്പസ് എന്ന പേരില്‍ ഹരിപ്പാട് സബ് ജില്ലാ സയന്‍സ് ക്ലബ്ബ് അസോസിയേഷന്‍റെ ആഭിമുഖ്യത്തില്‍ സയന്‍സ് ഇനിഷ്യേറ്റീവ് , മാതൃഭൂമി സീഡ് എന്നിവയുടെ സഹകരണത്തോടെ ആരംഭിക്കുന്ന സംയോജിത മാലിന്യ നിര്‍മ്മാര്‍ജന പദ്ധതിയുടെ ഭാഗമായുള്ള അദ്ധ്യാപകര്‍ക്കുള്ള പരിശീലനം സെപ്തംബര്‍ 27 ന് ഹരിപ്പാട് ഗവ.ബോയ്സ് ഹയര്‍സെ്ക്കന്‍റെറി സ്കൂളില്‍ നടന്നു. പരിശീലന പരിപാടിയില്‍ അമ്പലപ്പുഴ ബ്ലോക്ക് ഡവലെപ്പ്മെന്‍റ് ആഫീസര്‍ വേണുഗോപാല്‍ ,വാണി എന്നിവര്‍ ക്ലാസ്സെടുത്തു. ഹരിപ്പാട് ഉപജില്ലാ വിദ്യാഭ്യാസ ആഫീസര്‍ കെ.ചന്ദ്രമതി ടീച്ചര്‍, ബോയ്ഹയര്‍സെക്കന്‍ററിസ്കൂള്‍ ഹെഡ്മിസ്ട്രസ് ഉഷ.കെ.പിള്ള,സബ് ജില്ലാസയന്‍സ് ക്ലബ്ബ് സെക്രട്ടറി സി.ജി.സന്തോഷ്, ജോ.സെക്രട്ടറി വിമല എന്നിവര്‍ സംസാരിച്ചു.

Thursday, August 7, 2014

വഴുതാനം സ്കൂളിലെ അദ്ധ്യാപകരുടെ കൂട്ടായ ശ്രമം സച്ചു സംസ്ഥാന തലത്തിലേക്ക്

പള്ളിപ്പാട് - ആലപ്പുഴ വെച്ച് നടന്ന ഇന്‍സ് പെയര്‍ എക്സിബിഷനില്‍ പള്ളിപ്പാട് വഴുതാനം ഗവ.യു.പി സ്കൂളിലെ അദ്ധ്യാപകരുടെ കഠിന പരിശ്രമവും കൂട്ടായ്മയും സച്ചുവിനെ സംസ്ഥാനതല ഇന്‍സ് പെയര്‍ എക്സിബിഷനിലേക്ക് വഴിതുറന്നു. ഇപ്പോള്‍ ഹരിപ്പാട് ഗവ.ബോയ് സ് ഹയര്‍സെക്കന്ററി സ്കൂളിലെ വിദ്യാര്‍ത്ഥിയാണ് സച്ചുവെങ്കിലും തങ്ങളുടെ പൂര്‍വ്വ വിദ്യാര്‍ത്ഥിയെ കൈവിടാന്‍ വഴുതാനം ഗവ.യു.പി സ്കൂളിലെ അദ്ധ്യാപകര്‍ തയ്യാറായില്ല. മിനി ,സുനിത എന്നീ അദ്ധ്യാപികമാരുടെ നേതൃത്വത്തില്‍ ദിവസങ്ങളോളം നടത്തിയ പരിശ്രമമാണ് സച്ചുവിനെ വിജയത്തിലെത്തിച്ചത്. തഴുതാമ , കൊടങ്ങല്‍ ,തകര, ചുണ്ടക്ക ,താമരതണ്ട് തുടങ്ങിയ പ്രകൃതിയില്‍ ലഭ്യമായവ ഉപയോഗിച്ച് പോഷകസമൃദ്ധമായ അമ്പതോളം ഭക്ഷ്യ വിഭവങ്ങളാണ് സച്ചു തയ്യാറാക്കിയത്. ഇത് പഠിപ്പിക്കാനായി അദ്ധ്യാപികമാര്‍ മിക്ക ദിവസങ്ങളിലും സച്ചുവിന്റെ വീട്ടില്‍ പോകേണ്ടതായും വന്നു. സച്ചുവിന്റെ എസ് കോര്‍ട്ടിംഗ് ടീച്ചേഴ്സായി പോയതും വഴുതാനം സ്കൂളിലെ മിനി. സുനിത തുടങ്ങിയ അദ്ധ്യാപികമാരായിരുന്നു.ഇവര്‍ക്ക് എല്ലാവിധപിന്തുണയുമായി സ്കൂള്‍ ഹെഡ്മിസ്ട്രസ് ലക്ഷ്മീകുമാരി ടീച്ചറും മുന്നിലുണ്ടായിരുന്നു. ഇവരുടെ ശ്രമങ്ങള്‍ക്ക് തണലായി ഹരിപ്പാട് സബ് ജില്ലാ സയന്‍സ് ക്ലബ്ബ് അസോസിയേഷനും വേണ്ട നിര്‍ദ്ദേശങ്ങള്‍ യഥാസമയം ലഭ്യമാക്കുന്നതിന് ശ്രദ്ധിച്ചിരുന്നു. തങ്ങളുടെ പരിശ്രമത്തില്‍ വിജയം കണ്ടതിലുള്ള സന്തോഷത്തിലാണ് വഴുതാനം ഗവ.യു.പി സ്കൂളിലെ അദ്ധ്യാപകര്‍

Sunday, July 27, 2014

Thursday, July 24, 2014

ഹരിപ്പാട് സബ് ജില്ലയില്‍ ചാന്ദ്രദിനാഘോഷം

കാര്‍ത്തികപ്പള്ളി ഗവ.യു.പിയിൽ 
 നടന്ന ചാന്ദ്രദിനാഘോഷം
ഹരിപ്പാട് -ഹരിപ്പാട്സബ് ജില്ലയിലെ പൊതുവിദ്യാലയങ്ങളില്‍ ചാന്ദ്രദിനത്തോടനുബന്ധിച്ച് സ്കൂള്‍ സയന്‍സ് ക്ലബ്ബുകളുടേയും സയന്‍സ് ഇനഷ്യേറ്റീവിന്റേയും ആഭിമുഖ്യത്തില്‍ വിവിധ പരിപാടികള്‍ സംഘടിപ്പിച്ചു. കാര്‍ത്തികപ്പള്ളി ഗവ.യു.പി സ്കൂളില്‍ സ്കൂള്‍ അസംബ്ലിയോടനുബന്ധിച്ച് ചാന്ദ്രദിനത്തിന്റെ പ്രാധാന്യത്തേക്കുറിച്ച് പ്രഭാഷണവും പ്രദര്‍നവും സംഘടിപ്പിച്ചു.സബ് ജില്ലാസയന്‍സ് ക്ലബ്ബ് അസോസിയേഷന്‍ , ശാസ്ത്രാദ്ധ്യാപകകൂട്ടായ്മയായ സയന്‍സ് ഇനിഷ്യേറ്റീവ് എന്നിവയുടെ ആഭിമുഖ്യത്തില്‍ യു.പി, എച്ച്.എസ് കുട്ടികള്‍ക്കായി സ്കൂള്‍ തല ക്വിസ് മത്സരവും എല്ലാം സ്കൂളുകളിലും സംഘടിപ്പിച്ചിരുന്നു.

Friday, July 18, 2014

ഹരിപ്പാട് സബ് ജില്ലാ ശാസ്ത്ര സെമിനാര്‍ മത്സരം ലിയോജോയിക്ക് ഒന്നാം സ്ഥാനം ശബരീനാഥിന് രണ്ടാംസ്ഥാനം

പള്ളിപ്പാട് - ഹരിപ്പാട് സബ് ജില്ലാ സയന്‍സ് ക്ലബ്ബ് അസോസിയേഷന്റെ ആഭിമുഖ്യത്തില്‍ പള്ളിപ്പാട് നടുവട്ടം വി.എച്ച്.എസ്.എസ്സില്‍ വെച്ചു നടന്ന ഹരിപ്പാട് ഉപജില്ലാ ശാസ്ത്ര സെമിനാര്‍ മത്സരത്തില്‍ ഗവ. എച്ച്.എസ് വീയപുരത്തെ ലിയോ ജോയി ഒന്നാം സ്ഥാനവും ഹരിപ്പാട് ഗവ. ബോയ് സ് ഹയര്‍ സെക്കന്ററി സ്കൂളിലെ ശബരിനാഥ് രണ്ടാം സ്ഥാനവും നേടി.സബ് ജില്ലയിലെ എട്ടോളം സ്കൂളുകളില്‍ നിന്നുള്ള കുട്ടികള്‍ മത്സരത്തോടനുബന്ധിച്ച് വിഷയാവതരണം നടത്തി. ഹരിപ്പാട് ഉപജില്ലാ വിദ്യാഭ്യാസ ആഫീസര്‍ കെ.ചന്ദ്രമതി., സയന്‍സ് ക്ലബ്ബ് അസോസിയേഷന്‍ സബ് ജില്ലാ സെക്രട്ടറി സി.ജി സന്തോഷ്, നടുവട്ടം. വി.എച്ച്.എസ് .എസ് ഹെഡ്മിസ്ട്രസ് സി.എസ് ഗീതാകുമാരി എന്നിവര്‍ പരിപാടിക്ക് നേതൃത്വം നല്‍കി

Thursday, July 17, 2014

സബ് ജില്ലാ സയന്‍സ് സെമിനാര്‍ മത്സരം ജൂലയ് 18ന്

ഹരിപ്പാട് - ഹരിപ്പാട് സബ് ജില്ലാ സയന്‍സ് ക്ലബ്ബ് അസോസിയേഷന്റെ ആഭിമുഖ്യത്തില്‍ പള്ളിപ്പാട് നടുവട്ടം വി.എച്ച്. എസ്.എസ്സില്‍ വെച്ച് സബ് ജില്ലാ തല സയന്‍ സെമിനാര്‍ മത്സരം നടക്കും . സബ് ജില്ലയിലെ 11 ഹൈസ്ക്കൂളുകളില്‍ നിന്നുള്ള കുട്ടികള്‍ മത്സരത്തില്‍ പങ്കെടുക്കുമെന്ന് സയന്‍സ് ക്ലബ്ബ് അസോസിയേഷന്‍ അറിയിച്ചു. പങ്കെടുക്കുന്ന കുട്ടികള്‍ സ്കൂള്‍ മേലധികാരിയുടെ സാക്ഷ്യപത്രവുമായി രാവിലെ 9.30 നകം മത്സരകേന്ദ്രത്തില്‍ റിപ്പോര്‍ട്ട് ചെയ്യേണ്ടതാണ്. സ്കൂള്‍ യൂണിഫോം, ഐഡന്റിറ്റി കാര്‍ഡ് എന്നിവ ധരിച്ചുകൊണ്ട് മത്സരത്തില്‍ പങ്കെടുക്കാന്‍ പാടില്ല.. കുട്ടികള്‍ക്ക് സ്ലൈഡുകള്‍ പ്രദര്‍ശിപ്പിക്കാനുള്ള ലാപ് ടോപ്പ് , എല്‍.സി.ഡി പ്രൊജക്ടര്‍ എന്നിവ മത്സരകേന്ദ്രത്തില്‍ ലഭ്യമാക്കും. കുട്ടികളും എസ്കോര്‍ട്ടിംഗ് ടീച്ചേഴ്സും കൃത്യസമയത്തുതന്നെ എത്തിച്ചേരാന്‍ ശ്രമിക്കേണ്ടതാണെന്ന് അസോസിയേഷന്റെ അറിയിപ്പില്‍ പറയുന്നു

Saturday, July 5, 2014

ഇന്‍ സ്പെയര്‍-2014 പരിശീലനം ആരംഭിച്ചു

ഹരിപ്പാട് - സബ് ജില്ലാ സയന്‍സ് ക്ലബ്ബ് അസോസിയേഷന്റെ ആഭിമുഖ്യത്തില്‍ ഇന്‍ സ്പെയര്‍ അവാര്‍ഡിനു തെരഞ്ഞെടുക്കപ്പെട്ട ഹരിപ്പാട് സബ് ജില്ലയിലെ പൊതുവിദ്യാലയങ്ങളില്‍ പഠിക്കുന്ന കുട്ടികള്‍ക്കുള്ള പരിശീലനം ഹരിപ്പാട് ബി. ആര്‍.സിയില്‍ ആരംഭിച്ചു.പരിശീലനത്തിന്റെ ഉദ്ഘാടനം എസ്.ടി.കോളേജ് ജന്തുശാസ്ത്രവിഭാഗം അസോസിയേറ്റ് പ്രൊഫസര്‍ ഡോ.ജി. നാഗേന്ദ്രപ്രഭുനിര്‍വ്വഹിച്ചു. ഉപജില്ലാ വിദ്യാഭ്യാസ ആഫീസര്‍ കെ. ചന്ദ്രമതിടീച്ചര്‍ അദ്ധ്യക്ഷതവഹിച്ചു. സബ് ജില്ലാ സെക്രട്ടറി സി.ജി സന്തോഷ് സ്വാഗതം പറഞ്ഞു. ബി.പി.ഒ ഇന്‍ ചാര്‍ജ് ഗീതടീച്ചര്‍ ആശംസകള്‍ നേര്‍ന്നു.വിവിധസ്കൂളുകളില്‍ നിന്നായി 28 കുട്ടികളും അവരുടെ രക്ഷിതാക്കളും പങ്കെടുത്തു. ഇതിന്റെ രണ്ടാമത് പരിശീലനക്ലാസ് ജൂലയ് 19 ന് ശനിയാഴ്ച നടക്കും

Thursday, July 3, 2014

ലാബ് -2014 ഒന്നാം ഘട്ടം സമാപിച്ചു.


ഹരിപ്പാട് - ഹരിപ്പാട് സബ് ജില്ലാ സയന്‍സ് ക്ലബ്ബ് അസോസിയേഷന്റെ ആഭിമുഖ്യത്തില്‍ ശാസ്ത്രാദ്ധ്യാപകകൂട്ടായ്മയായ സയന്‍സ് ഇനിഷ്യേറ്റീവ് , ഡയറ്റ് എന്നിവയുടെ സഹകരണത്തോടെ ജൂണ്‍ 16 ന് ഹരിപ്പാട് സബ് ജില്ലയിലെ 58 സ്കൂളുകളിലായി ആരംഭിച്ച ലാബ് -2014 ന്റെ ഒന്നാം ഘട്ടം ജൂണ്‍ 23 ന് സമാപിച്ചു. രണ്ടാം ഘട്ടം ജൂലയ് മാസത്തില്‍ ആരംഭിക്കും. ഒന്നാം ഘട്ടത്തോടുകൂടി എല്‍ . പി വിഭാഗത്തിലെ 50 ശതമാനവും യു.പി വിഭാഗത്തിലെ 95 ശതമാനവും ഹൈസ്ക്ബള്‍ വിഭാഗത്തിലെ 45 ശതമാനം ലാബുകളും ഒരു പരിധിവരെ പാഠപുസ്തകാനുസൃതമായി രൂപപ്പെടുത്താന്‍ഒരു പരിധിവരെ കഴിഞ്ഞതായി സബ് ജില്ലാ സയന്‍സ് ക്ലബ്ബ് അസോസിയേഷന്‍ പറയുന്നു.. ഇതിനോടൊപ്പം ലാബുകളില്‍ ഇല്ലാത്തവയുടെ വ്യക്തമായ രജിസ്റ്ററും രൂപപ്പെടുത്താന്‍ കഴിഞ്ഞു. ഇതോടെ മിക്ക ലാബുകള്‍ക്കും ശാപമോക്ഷമായതായി അദ്ധ്യാപകര്‍ പറയുന്നു. സ്കൂള്‍ സയന്‍സ് ക്ലബ്ബുകളും ശാസ്ത്രാദ്ധ്യാപകരുമാണ് സ്കൂള്‍തലത്തില്‍ പ്രവര്‍ത്തനം ഏറ്റെടുത്ത് നടപ്പിലാക്കിയത്. ഓരോ ഘട്ടം പിന്നിടുമ്പോഴും ലാബുകളുടെ സ്ഥിതി മെച്ചപ്പെടുകയും ജനകീയ പിന്തുണയോടെ ലാബുകളുടെ ഇന്നത്തെ അവസ്ഥയ്ക്ക് മാറ്റമുണ്ടാക്കാനാവുമെന്ന് കരുതുന്നതായും സയന്‍സ് ഇനിഷ്യേറ്റീവും അഭിപ്രായപ്പെടുന്നു

Sunday, June 29, 2014

അദ്ധ്യാപക പരിശീലനം നടന്നു




പള്ളിപ്പാട് - ഹരിപ്പാട് സബ് ജില്ലാ സയന്‍സ് ക്ലബ്ബ് അസോസിയേഷന്‍, അദ്ധ്യാപക കൂട്ടായ്മയായ സയന്‍സ് ഇനിഷ്യേറ്റീവ് എന്നിവയുടെ സംയുക്താഭിമുഖ്യത്തില്‍ കായികപ്രജനനത്തേക്കുറിച്ച് നടുവട്ടം വി.എച്ച്.എസ്.എസ് വൊക്കേഷണല്‍ ഹയര്‍സെക്കന്ററി വിഭാഗത്തിന്റെ സഹകരണത്തോടെ ഹരിപ്പാട് സബ് ജില്ലയിലെ യു.പി വിഭാഗം അദ്ധ്യാപകര്‍ക്ക് പരിശീലനം നല്‍കി. പരിശീലനം നടുവട്ടം വി.എച്ച്.എസ്.എസ് ഹെഡ്മിസ്ട്രസ് സി.എസ് ഗീതാകുമാരി ഉദ്ഘാടനം ചെയ്തു. വി.എച്ച്.എസ് ഇ വിഭാഗം അദ്ധ്യാപകരായ എന്‍സി മത്തായി , സലില്‍ കുമാര്‍ എന്നിവര്‍ പരിശീലനത്തിന് നേതൃത്വം നല്‍കി. സബ് ജില്ലാ സയന്‍സ് ക്ലബ്ബ് അസോസിയേഷന്‍ സെക്രട്ടറി സി.ജി സന്തോഷ്, കെ. ലേഖാനായര്‍ എന്നിവര്‍ സംസാരിച്ചു

Sunday, June 8, 2014

നടുവട്ടം വി.എച്ച്.എസ്.എസ്സില്‍ ലോകപരിസരദിനാഘോഷം നടന്നു

പള്ളിപ്പാട് :‍‍ പള്ളിപ്പാട് നടുവട്ടം വി.എച്ച്.എസ്.എസ്സില്‍ സയന്‍സ് ക്ലബ്ബിന്റെ ആഭിമുഖ്യത്തില്‍ കേരളസംസ്ഥാന ശാസ്ത്രസാങ്കേതിക പരിസ്ഥിതി കൗണ്‍സിലിന്റെ സഹകരണത്തോടെ  ജൂണ്‍ 4,5 തീയതികളിലായി സംഘടിപ്പിച്ച പരിസ്ഥതി ദിനാഘോഷപരിപാടികള്‍  പരിസ്ഥിതി പ്രഭാഷണത്തോടെ സമാപിച്ചു. യോഗത്തില്‍ സ്കൂള്‍ മാനേജര്‍ എം.എസ് മോഹനന്‍ അദ്ധ്യക്ഷതവഹിച്ചു. ആലപ്പുഴ എസ്.‍‍ഡി കോളേജ് ബോട്ടണി വിഭാഗം അസോസിയേറ്റ് പ്രൊഫസര്‍ പി.കെ ബിന്ദു പരിസ്ഥിതിദിന പ്രഭാഷണം നടത്തി.  കുട്ടികള്‍ക്കുള്ള വൃക്ഷത്തൈകളുടെ ഉദ്ഘാടനം  സ്കൂള്‍ മാനേജര്‍ നിര്‍വ്വഹിച്ചു. യോഗത്തില്‍ കുട്ടികള്‍ പരിസ്ഥിതി ദിന പ്രതിജ്ഞയെടുത്തു. യോഗത്തില്‍ സ്കൂള്‍ ഹെഡ്മിസ്ട്രസ് സി.എസ് ഗീതാകുമാരി, വി.എച്ച്.എസ് .എസ്  പ്രിന്‍സിപ്പാള്‍ ഇന്‍ചാര്‍ജ് ബി.രമേശ് കുമാര്‍,പി.ടി. എപ്രസി‍ഡന്റ് ബി.രാജേഷ് , സീനിയര്‍ അസിസ്റ്റന്റ് ബി. ശ്രീകുമാര്‍ ,സബ് ജില്ല സയന്‍സ് ക്ലബ്ബ് അസോസിയേഷന്‍ സെക്രട്ടറി സി.ജി.സന്തോഷ് , ബി. അനിതാകുമാരി എന്നിവര്‍ സംസാരിച്ചു. പ്രോഗ്രാം കോ- ഓര്‍ഡിനേറ്റര്‍ ലേഖാനായര്‍ യോഗത്തില്‍ കൃതജ്ഞത രേഖപ്പെടുത്തി. പരിസ്ഥിതി ദിനാഘോഷത്തോടനുബന്ധിച്ച് സംഘടിപ്പിച്ച മത്സരങ്ങളില്‍ വിജയിച്ചവര്‍ക്കുള്ളസമ്മാനദാനവും ഇതിനോടൊപ്പം സംഘടിപ്പിച്ചിരുന്നു.

Sunday, May 18, 2014

ഹരിപ്പാട് സബ് ജില്ലയില്‍ സയന്‍സ് അദ്ധ്യാപകര്‍ക്കുള്ള അവധിക്കാല അദ്ധ്യാപക പരിശീലനം ആരംഭിച്ചു


ഹരിപ്പാട് - ഹരിപ്പാട് സബ് ജില്ലയിലെ യു. പി വിഭാഗം ശാസ്ത്രാദ്ധ്യാപകരുടെ അവധിക്കാല പരിശീലനം മെയ് 14 ന് ഹരിപ്പാട് ബി. ആര്‍. സിയില്‍ ആരംഭിച്ചു. സബ് ജില്ലയിലെ വിവിധ സ്കൂളുകളില്‍ നിന്നായി 30 അദ്ധ്യാപകരും മലപ്പുറത്തുനിന്നുള്ള ഒരു അദ്ധ്യാപികയും ഉള്‍പ്പെടെ 31 അദ്ധ്യാപകര്‍ പരിശീലന ക്ലാസ്സില്‍ പങ്കെടുക്കുന്നുണ്ട്. മെയ് 20 ന് ക്ലാസ് അവസാനിക്കും. പുതിയ പാഠപുസ്തകങ്ങള്‍ പരിചയപ്പെടുത്തുന്നത് ഉള്‍പ്പെടെ മാറിയ സമീപനങ്ങളും ക്ലാസ്സില്‍ പരിചയപ്പെടുത്തും. സി.ജി.സന്തോഷ് ( നടുവട്ടം വി.എച്ച്.എസ്.എസ് ), അനിതാകുമാരി ( ഗവ.എച്ച്.എസ്.എസ്.ആയാപറമ്പ് ) സോമി ( ബി.ആര്‍.സി , ഹരിപ്പാട് ) എന്നിവരാണ് ക്ലാസ്സെടുക്കുന്നത്

Tuesday, March 18, 2014

ഗവ.യു. പി സ്കൂള്‍ നങ്ങ്യാര്‍കുളങ്ങരയ്ക്ക് മാത‍ൃഭൂമി സീഡ് - ശ്രേഷ്ഠ ഹരിതവിദ്യാലയപുരസ്ക്കാരം ,കെ .രാജശ്രീ മികച്ച ടീച്ചര്‍ കോ- ഓര്‍ഡിനേറ്റര്‍

ഹരിപ്പാട് - മാതൃഭൂമി സീഡ് സീഡ് - ശ്രേഷ്ഠ ഹരിതവിദ്യാലയപുരസ്ക്കാരത്തിന് ഗവ.യു. പി സ്കൂള്‍ നങ്ങ്യാര്‍കുളങ്ങര അര്‍ഹരായി. ആലപ്പുഴ വിദ്യാഭ്യാസ ജില്ലയില്‍ സ്കൂളിന് മൂന്നാം സ്ഥാനം ലഭിച്ചു,കാഷ് അവാര്‍ഡായി 5000 രൂപ വിദ്യാലയത്തിനു ലഭിക്കും. വിദ്യാഭ്യാസ ജില്ലയിലെ മികച്ച ടീച്ചര്‍ കോ- ഓര്‍ഡിനേറ്ററായി ഇവിടുത്തെ അദ്ധ്യാപികയും സയന്‍സ് ഇനിഷ്യേറ്റീവ് ഹരിപ്പാട് സബ് ജില്ലാ എക്സിക്യൂട്ടീവ് കമ്മിറ്റി അംഗവുമായ രാജശ്രീ. കെയ്ക്ക് ലഭിച്ചു.5000 രൂപ കാഷ് അവാര്‍‍‍ഡായി ലഭിക്കും.
       
എസ്. എന്‍. വി യു.പി സ്കൂള്‍ മുതുകുളം , ഗവ.യു.പി സ്കൂള്‍ കാര്‍ത്തികപ്പള്ളി,ഗവ.ഗേള്‍സ് എച്ച്.എസ്.എസ് ഹരിപ്പാട് എന്നീ സ്കൂളുകള്‍ക്ക് പ്രോത്സാഹനസമ്മാനം ലഭിച്ചു. ജില്ലയിലെ ജെം -ഓഫ് സീഡ് പുരസ്ക്കാരത്തിന് ഹരിപ്പാട് ഗവ.ഗേള്‍സ് എച്ച്.എസ്.എസ്സിലെ വി. വിഷ്ണുമായ അര്‍ഹയായി.

Friday, February 28, 2014

ശാസ്ത്ര -2014 വീയപുരത്ത് സമാപിച്ചു

വീയപുരം : ഹരിപ്പാട് സബ് ജില്ലാ സയന്‍സ് ക്ലബ്ബ് അസോസിയേഷന്റെ ആഭിമുഖ്യത്തില്‍ സയന്‍സ് ഇനിഷ്യേറ്റീവ് , കേരളസംസ്ഥാന ശാസ്ത്രസാങ്കേതിക പരിസ്ഥിതി കൗണ്‍സില്‍ , മാതൃഭൂമി സീഡ് എന്നിവയുടെ സഹകരണത്തോടെ ദേശീയ ശാസ്ത്രദിനത്തോടനുബന്ധിച്ച് ഫെബ്രുവരി 1 മുതല്‍ 28 വരെ നീണ്ടുനിന്ന ശാസ്ത്ര -2014 വീയപുരം ഗവ.എച്ച്.എസ്സില്‍ സമാപിച്ചു. സമാപന സമ്മേളനം നങ്ങ്യാര്‍കുളങ്ങര ടി.കെ.എം.എം കോളേജ് ഭൗതിക ശാസ്ത്ര വിഭാഗം അസോസിയേറ്റ് പ്രൊഫസര്‍ ഡോ.സി .ഇന്ദിരാദേവി ഉദ്ഘാടനം ചെയ്തു.എസ് .എം.സി ചെയര്‍മാന്‍ സി. പ്രസാദ് അദ്ധ്യക്ഷതവഹിച്ചു. തിരുവനന്തപുരം ഗവ.എഞ്ചിനിയറിംഗ് കോളേജ് അസോസിയേറ്റ് പ്രൊഫസര്‍ കെ.എസ് .സിബി വിസ്മയിപ്പിക്കുന്നശാസ്ത്രം മാനവപുരോഗതിക്ക് എന്നവിഷയത്തില്‍ പ്രഭാഷണം നടത്തി.

Saturday, February 15, 2014

'പരിസ്ഥിതിയും മനുഷ്യപുരോഗതിയും ' -ശാസ്ത്രപ്രഭാഷണം നടന്നു




നങ്ങ്യാര്‍കുളങ്ങര- ഹരിപ്പാട് സബ് ജില്ലാ സയന്‍സ് ക്ലബ്ബ് അസോസിയേഷന്റെ ആഭിമുഖ്യത്തില്‍ സയന്‍സ് ഇനിഷ്യേറ്റീവ് , കേരളസംസ്ഥാന ശാസ്ത്രസാങ്കേതിക പരിസ്ഥിതി കൗണ്‍സില്‍ മാതൃഭൂമി സീഡ് എന്നിവരുടെ സഹകരണത്തോടെസംഘടിപ്പിച്ചുവരുന്ന ശാസ്ത്ര -2014 ന്റെ ഭാഗമായി നങ്ങ്യാര്‍ കുളങ്ങര ഗവ.യു.പി സ്കൂളില്‍ നട്ന ശാസ്ത്രപ്രഭാഷണത്തില്‍ മാതൃഭൂമി സീഡ് ജില്ലാ എക്സിക്യൂട്ടിവ് അമൃതാ സെബാസ്റ്റ്യന്‍ പരിസ്ഥിതിയുംമനുഷ്യപുരോ ഗതിയും 'എന്നവിഷയത്തെ അടി സ്ഥാനമാക്കി പ്രഭാഷണം നടത്തി.ഇതിനോടനുബന്ധിച്ചു നടന്ന യോഗത്തില്‍ സയന്‍സ് ക്ലബ്ബ് അസോസിയേഷന്‍ ഹരിപ്പാട് സബ് ജില്ലാ ജോയിന്റ് സെക്രട്ടറി വിമല അദ്ധ്യക്ഷത വഹിച്ചു.നങ്ങ്യാര്‍ കുളങ്ങര ഗവ,യു.പി സ്കൂള്‍ ഹെഡ്മിസ്ട്രസ് രഞ്ചനടീച്ചര്‍ സ്വാഗതം പറഞ്ഞു. സയന്‍സ് ക്ലബ്ബ് അസോസിയേഷന്‍ ഹരിപ്പാട് സബ് ജില്ലാസെക്രട്ടറി സി.ജി സന്തോഷ് വിശദീകരണം നടത്തി.അദ്ധ്യാപകനായ ഗീരീഷ് കുമാര്‍ നന്ദി രേഖപ്പെടുത്തി

Saturday, February 8, 2014

ശാസ്ത്ര-2014 ശാസ്ത്ര പ്രഭാഷണം നടന്നു

 ഹരിപ്പാട് : ഹരിപ്പാട് സബ് ജില്ലയിലെ പൊതുവിദ്യാലയങ്ങളിലെ കുട്ടികളെ ശാസ്ത്രബോധത്തെ പരിപോഷിപ്പിക്കുകയെന്ന ലക്ഷ്യത്തോടെ സബ് ജില്ലാസയന്‍സ് ക്ലബ്ബ് അസോസിയേഷന്റെ  നേതൃത്വത്തില്‍ സയന്‍സ് ഇനിഷ്യേറ്റീവ് ,കേരള ശാസ്ത്രസാങ്കേതിക പരിസ്ഥിതി കൗണ്‍സില്‍  , മാതൃഭൂമി സീഡ് എന്നിവരുടെ സഹകരണത്തോടെ ആരംഭിച്ച ശാസ്ത്ര -2014 ന്റെ ഭാഗമായുള്ള ശാസ്ത്ര പ്രഭാഷണം കാര്‍ത്തികപ്പള്ളി ഗവ.യു.പി സ്കൂളില്‍ നടന്നു.'ഭൗതിക ശാസ്ത്രത്തിലെ നൂതനപ്രവണതകള് ‍' എന്ന വിഷയത്തെ അടിസ്ഥാനമാക്കി ആലപ്പുഴ എസ്.‍ഡി കോളേജിലെ ഭൗതികശാസ്ത്രവിഭാഗം അസിസ്റ്റന്റ് പ്രൊഫസര്‍ ശ്രീജിത്ത്. കെ പിഷാരടിയാണ് പ്രഭാഷണം നടത്തിയത്.കാര്‍ത്തികപ്പള്ളി ഗവ.യു.പി സ്കൂള്‍ ഹെഡ് മിസ്ട്രസ് സുഷമാകുമാരി ,സയന്‍സ് ക്ലബ്ബ് അസോസിയേഷന്‍ ഹരിപ്പാട് സബ് ജില്ലാ സെക്രട്ടറി സി.ജി സന്തോഷ്, എന്നിവര്‍ സംസാരിച്ചു. സബ് ജില്ലയിലെ വിവിധ സ്കൂളുകളില്‍ നിന്നുള്ള കുട്ടികളും അദ്ധ്യാപകരു പങ്കെടുത്തു.
           'പരിസ്ഥിതിയുംമനുഷ്യപുരോഗതിയും' എന്നതിനെ അടിസ്ഥാനമാക്കിയുള്ള  ശാസ്ത്രപ്രഭാഷണം ഫെബ്രുവരി 15 ശനിയാഴ്ചരാവിലെ 10 മണിക്ക് നങ്ങ്യാര്‍കുളങ്ങര ഗവ.യു.പി സ്കൂളില്‍ വെച്ച് നടക്കും. മാത‍ഭൂമിസീഡ് ജില്ലാ എക്സിക്യൂട്ടീവ് അമ‍ൃതാസെബാസ്റ്റ്യനാണ്   പ്രഭാഷണം നടത്തുന്നത്.

Sunday, February 2, 2014

ശാസ്ത്ര -2014 ന് തുടക്കം


നടുവട്ടം. ഹരിപ്പാട് സബ് ജില്ലയിലെ പൊതു വിദ്യാലയങ്ങളിലെ കുട്ടികളുടെ ശാസ്ത്രബോധത്തേയും ശാസ്ത്രചിന്തയേയും ഉണര്‍ത്തുകയെന്ന ലക്ഷ്യത്തോടെ സബ് ജില്ലാ സയന്‍സ് ക്ലബ്ബ് അസോസിയേഷന്റെ ആഭിമുഖ്യത്തില്‍ സയന്‍സ് ഇനിഷ്യേറ്റീവ് , കേരള സംസ്ഥാന ശാസ്ത്രസാങ്കേതിക പരിസ്ഥിതി കൗണ്‍സില്‍ , മാതൃഭൂമി സീഡ് എന്നിവയുടെ സഹകരണത്തോടെ ദേശീയ ശാസ്ത്രദിനത്തോടനുബന്ധിച്ച് ഫെബ്രുവരി 1 മുതല്‍ 28 വരെ സംഘടിപ്പിക്കുന്ന ശാസ്ത്ര -2014 പള്ളിപ്പാട് നടുവട്ടം വി.എച്ച്.എസ്.എസ്സില്‍ ആലപ്പുഴ ജില്ലാ ഉപവിദ്യാഭ്യാസ ഡയറക്ടര്‍ ജിമ്മികെ. ജോസ് ഉദ്ഘാടനം ചെയ്തു. ശാസ്ത്രമെന്നത് സത്യമാണ്. നിരവധി ശാസ്ത്രകാരന്മാരുടെ ദീര്‍ഘനാളത്തെ പരിശ്രമത്തിന്റെ ഫലമായാണ് ശാസ്ത്രം ഇന്നത്തെ നിലയിലെത്തിയത്. അവരുടെ ജീവിത സമര്‍പ്പണമാണ് ശാസ്ത്രത്തിന്റെ വളര്‍ച്ചയ്ക് ഏറെ സഹായകരമായത്. ചോദ്യങ്ങളിലൂടെ സത്യം കണ്ടെത്താന്‍ ശ്രമിച്ച സോക്രട്ടീസ് ,പരീക്ഷണ നിരീക്ഷണങ്ങളിലൂടെ കടന്നുപോയ യൂക്ലിഡ് ,ടോളമി , ഗലീലിയോ തുടങ്ങിയവര്‍ ശാസ്ത്രത്തെ ഇന്നത്തെ നിലയിലെത്തിക്കാന്‍ ആത്മസമര്‍പ്പണം ചെയ്തവരാണ്.പരീക്ഷണാത്മകമല്ലാത്ത ശാസ്ത്രത്തിന് പൂര്‍ണതയില്ല.അരിസ്റ്റോട്ടിലിന്റെ നിഗമനങ്ങള്‍ക്ക് നിലനില്‍പ്പില്ലാതെ പോയത് പരീക്ഷണ നിരീക്ഷണാടിസ്ഥാനത്തിലുള്ളവഅല്ലാതിരുന്നതിനാലാണ്. ശാസ്ത്രമെന്നത് പരീക്ഷണ നിരീക്ഷണങ്ങളുടെ അടിസ്ഥാനത്തിലുള്ള നിഗമനങ്ങളുടെ ആകെത്തുകയാണ്. ശാസ്ത്ര -2014 ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു. നടുവട്ടം വി.എച്ച്.എസ് എസ് മാനേജര്‍ എം.എസ് മോഹനന്‍ യോഗത്തില്‍ അദ്ധ്യക്ഷതവഹിച്ചു. സ്കൂള്‍ ഹെഡ്മിസ്ട്രസ് എല്‍. രാജലക്ഷ്മി സ്വാഗതം ആശംസിച്ചു. ഹരിപ്പാട് ഉപജില്ലാ വിദ്യാഭ്യാസ ആഫീസര്‍ കെ.ചന്ദ്രമതി പരിപാടികളുടെ വിശദീകരണം നടത്തി. മാതൃഭൂമി ആലപ്പുഴ യൂണിറ്റ് മാനേജര്‍ സി.സുരേഷ് കുമാര്‍ ,എച്ച്.എം ഫോറം കണ്‍വീനര്‍ ജോണ്‍ഫിലിപ്പോസ് ,പ്രിന്‍സിപ്പല്‍ ഇന്‍ ചാര്‍ജ് ബി.രമേഷ് കുമാര്‍, സി.എസ് ഗീതാകുമാരി, പി.ടി.എ പ്രസിഡന്റ് ബി.രാജേഷ് , സയന്‍സ് ക്ലബ്ബ് അസോസിയേഷന്‍ സബ് ജില്ലാ സെക്രട്ടറി സി.ജി സന്തോഷ് എന്നിവര്‍ സംസാരിച്ചു.മനുഷ്യനും ശാസ്ത്രവും എന്ന വിഷയത്തെ അടിസ്ഥാനമാക്കി ഡോ.ജി.നാഗേന്ദ്രപ്രഭു ശാസ്ത്രപ്രഭാഷണം നടത്തി.

Wednesday, January 29, 2014

എല്ലാ ശാസ്ത്രാദ്ധ്യാപകരും കണ്‍വീനര്‍മാരും പങ്കെടുക്കണം

ഹരിപ്പാട് -2014 ഫെബ്രുവരി 1 ന് പള്ളിപ്പാട് നടുവട്ടം വി.എച്ച്.എസ്.എസ്സില്‍ ഫെബ്രുവരി 1 മുതല്‍ 28 വരെ നടക്കുന്ന  ദേശീയ ശാസ്ത്രദിനാഘോഷങ്ങളുടെ സബ് ജില്ലാതല ഉദ്ഘാടയോഗത്തില്‍ ഹരിപ്പാട് സബ് ജില്ലയിലെ പൊതുവിദ്യാലയങ്ങളിലെ എല്‍.പി മുതല്‍ ഹയര്‍സെക്കന്ററി വരെയുള്ള എല്ലാ ശാസ്ത്രാദ്ധ്യാപകരും  ബാലശാസ്ത്രവേദി ,സയന്‍സ് ക്ലബ്ബ് കണ്‍വീനര്‍മാരും പങ്കെടുക്കേണ്ടതാണ്. കൂടാതെ ഒരു സ്കൂളില്‍ നിന്നും കുറഞ്ഞത് 5 കുട്ടികളേയും പങ്കെടുപ്പിക്കേണ്ടതാണെന്ന് സബ് ജില്ലാസയന്‍സ് ക്ലബ്ബ് അസോസിയേഷന്റെ അറിയിപ്പില്‍ പറയുന്നു.